ਅਮਰੀਕਾ ਵਿੱਚ ਉਤਰਦੇ ਸਮੇਂ ਇਕ ਜਹਾਜ਼ ਖੰਭੇ ਨਾਲ ਟਕਰਾਉਣ ਕਾਰਨ ਇਕ ਵੱਡਾ ਹਾਦਸਾ ਵਾਪਰਨ ਤੋਂ ਬਚਾਅ ਹੋ ਗਿਆ। ਯੂਨਾਈਟਿਡ ਏਅਰਲਾਈਸ ਦਾ ਇਕ ਜਹਾਜ਼ ਉਤਰਦੇ ਸਮੇਂ ਹਾਈਵੇ ਉਤੇ ਇਕ ਲੈਂਪ ਪੋਸਟ (ਖੰਭੇ) ਨਾਲ ਟਕਰਾਅ ਗਿਆ। ਜਦੋਂ ਜਹਾਜ਼ ਇਹ ਦੁਰਘਟਨਾ ਹੋਈ ਉਦੋਂ ਉਸ ਸਮੇਂ ਜਹਾਜ਼ ਵਿੰਚ 231 ਯਾਤਰੀ ਅਤੇ ਕਰੂ ਮੈਂਬਰ ਸਵਾਰ ਸਨ। ਮੀਡੀਆ ਵਿੱਚ ਆਈਆਂ ਖਬਰਾਂ ਮੁਤਾਬਕ ਫੇਡਰਲ ਏਵੀਏਸ਼ਨ ਐਡਮਿਨਿਸਟ੍ਰੇਸ਼ਨ (FAA) ਨੇ ਦੱਸਿਆ ਕਿ ਬੋਇੰਗ 767ਪਲੇਟ ਇਟਲੀ ਦੇ ਵੇਨਿਸ ਤੋਂ ਆ ਰਿਹਾ ਸੀ ਅਤੇ ਰਾਹਤ ਦੀ ਗੱਲ ਇਹ ਰਹੀ ਕਿ ਨਿਊਯਾਰਕ ਲਿਬਰਟੀ ਇੰਟਰਨੈਸ਼ਨਲ ਏਅਰਪੋਰਟ ਉਤੇ ਸੁਰੱਖਿਅਤ ਉੱਤਰ ਗਿਆ, ਏਜੰਸੀ ਇਸ ਘਟਨਾ ਦੀ ਜਾਂਚ ਕਰ ਰਹੀ ਹੈ।
ਨਿਊ ਜਰਸੀ ਸਟੇਟ ਪੁਲਿਸ ਦੀ ਮੁਢਲੀ ਜਾਂਚ ਵਿੱਚ ਦੱਸਿਆ ਗਿਆ ਕਿ ਜਦੋਂ ਪਲੇਨ ਰਨਵੇ ਕੋਲ ਉਤਰਨ ਵਾਲਾ ਸੀ, ਤਾਂ ਉਸ ਦੇ ਲੈਂਡਿੰਗ ਟਾਇਰ ਅਤੇ ਹੇਠਾਂ ਦਾ ਹਿੱਸਾ ਇਕ ਖੰਭੇ ਅਤੇ ਟ੍ਰੈਕਟਰ ਟ੍ਰੇਲਰ (ਵੱਡਾ ਟਰੱਕ) ਨਾਲ ਟਕਰਾ ਗਿਆ। ਪੋਰਟ ਅਥਾਰਿਟੀ ਆਫ ਨਿਊਯਾਰਕ ਐਂਡ ਨਿਊ ਜਰਸੀ ਅਨੁਸਾਰ, ਪਲੇਨ ਵਿੱਚ ਕਿਸੇ ਨੂੰ ਸੱਟ ਨਹੀਂਲੱਗੀ, ਟਰੱਕ ਡਰਾਈਵਰ ਨੂੰ ਹਲਕੀ ਸੱਟ ਲੱਗੀ ਹੈ, ਉਸ ਨੂੰ ਹਸਪਤਾਲ ਲਿਜਾਇਆ ਗਿਆ, ਜਿੱਥੋਂ ਬਾਅਦ ਵਿੱਚ ਛੁੱਟੀ ਦੇ ਦਿੱਤੀ ਗਈ।
